விஜய்யின் பிரமாண்டமான படமாக வெங்கட் பிரபு இயக்கத்தில் விஜய் நடித்து வரும் தி கிரேட்டஸ்ட் ஆஃப் ஆல் டைம் ‘தி கோட்’ திரைப்படம் வரும் செப்டம்பர் ஐந்தாம் தேதி வெளியாகும் என அதிகாரப்பூர்வமாக அறிவிக்கப்பட்டுள்ளது.தமிழ் புத்தாண்டை முன்னிட்டு யுவன் சங்கர் ராஜா இசையில் விஜய் பாடிய விசில் போடு பாடல் வெளியாகியது.
தி கோட் விசில் போடு பாடலில் மதன் கார்க்கி வரிகளில் நடிகர் விஜய்யின் அரசியல் வருகையை குறிக்கும் விதமாகவும் வெங்கட் பிரபுவின் பார்ட்டி ஸ்டைல் பாடலாகவும் உருவாகியுள்ள இந்த பாடல் கலவையான விமர்சனங்களையே சந்தித்து வருகிறது எனலாம்.
இந்த பாடலின் வரிகளை எழுதிய மதன் கார்க்கி இப்பாடல் தொடர்பாக சமீபத்தில் அளித்த பேட்டி ஒன்றில், இப்பாடல் அனைத்து தரப்பினரையும் ஈர்க்க கூடிய பாடலாக தான் உருவாக்கப்பட்டது.எப்படி கூகுள் கூகுள், செல்ஃபி புள்ள போன்ற பாடல்கள் எல்லாம் ஆரம்பத்தில் விமர்சிக்கப்பட்டு பின்னர் ரசிக்கப்பட்டதோ அதே போல தான் இந்த விசில் போடு பாடலும் ரசிகர்களை நிச்சயம் வெகுவாக இனி கவரும் என்று கூறியுள்ளார்.
இதுமட்டுமின்றி, இப்பாடலில் அஜித், சிம்பு, கார்த்தி மற்றும் சூர்யா ஆகியோர் வெங்கட் பிரபு இயக்கத்தில் நடித்த படங்களின் ரெஃபரஸ்ன்களும் இடம்பெற்று கவனத்தை பெற்றுள்ளன.
