நடிகர் ஷாருக்கான், கொல்கத்தா நைட் ரைடர்ஸ் அணியின் உரிமையாளராகவும், பாலிவுட்டின் மிக பிரபலமான நடிகராகவும் உள்ளார். கடந்த ஆண்டு அவர் நடித்த ‘பதான்’ மற்றும் ‘ஜவான்’ ஆகிய படங்கள் மிகப்பெரிய வெற்றியை பெற்றன. இந்த இரண்டு படங்களும் ரூ.1,000 கோடிக்கு மேல் வசூலித்ததோடு, உலகளாவிய ரசிகர்களின் கவனத்தையும் வெகுவாக ஈர்த்தன.
சமீபத்தில், சுவிட்சர்லாந்தின் லோகார்னோவில் நடந்த 77-வது லோகார்னோ திரைப்பட விழாவில், ஷாருக்கானுக்கு ‘வாழ்நாள் சாதனையாளர் விருது’ வழங்கப்பட்டது. அந்த நேரத்தில் செய்தியாளர்களுடன் நடந்த சந்திப்பில், அவர் ஹாலிவுட் திரைப்படங்களில் நடிக்காதது மற்றும் அவ்வாறான வாய்ப்புகள் குறித்துப் பேசினார்.
“இது உலகின் மிகச்சிறந்த மற்றும் மிகப்பெரிய சினிமா என நான் நினைக்கிறேன். எனக்கு வழங்கப்படும் எந்தவொரு கதாபாத்திரமும், இந்திய பார்வையாளர்களிடம் பெற்றுள்ள உயர்ந்த மரியாதைக்கு தகுதியானதாக இருக்க வேண்டும். ஆனால் அப்படி எந்த கதையும் இதுவரை எனக்கு கிடைக்கவில்லை,” என்றார் ஷாருக்கான்.
