வெங்கட்பிரபு இயக்கத்தில் விஜய் நடித்துள்ள ‘தி கோட்’ திரைப்படம் இன்று உலகம் முழுவதும் வெளியிடப்பட்டது. இதில் பிரசாந்த், பிரபுதேவா, யோகிபாபு, சினேகா, லைலா, மீனாட்சி சவுத்ரி உள்ளிட்ட பலர் நடித்துள்ளனர்.இப்படம் வெளியாகி நல்ல வரவேற்பை பெற்று வருகிறது.
‘கோட்’ படத்திற்கு இசையமைப்பாளர் யுவன் சங்கர் ராஜா இசையமைத்துள்ளார். பெரிய எதிர்பார்ப்புகளுடன் திரையரங்குகளில் வெளியான இப்படத்தை ரசிகர்கள் உற்சாகமாக கொண்டாடி வருகின்றனர்.இந்நிலையில், யுவன் சங்கர் ராஜா ரசிகர்களுக்கும் படக்குழுவுக்கும் நன்றி தெரிவிக்கும் வகையில் தனது எக்ஸ் தளத்தில் ஒரு பதிவு வெளியிட்டுள்ளார்.
அந்த பதிவில் அவர் கூறியதாவது:
அன்பிற்குரிய தோழர்களே, மிகுந்த நன்றி! தளபதியின் மீதான எனது அன்பைக் காட்டும் இந்த வாய்ப்பை அளித்த ஏஜிஸ் தயாரிப்பு நிறுவனத்தின் அர்ச்சனா, ஐஸ்வர்யா, அகோரம் ஆகியோருக்கு என் மனமார்ந்த நன்றி. இந்த முயற்சி கண்டிப்பாக எனது பாசத்துக்குரிய அண்ணன் வெங்கட் பிரபு இல்லாமல் சாத்தியமாகி இருக்காது.”
