நாளுக்கு நாள் சுவாரஸ்யமாக நகர்ந்து வரும் பிக்பாஸ் 8வது சீசன் நிகழ்ச்சியில் ‘வைல்டு கார்டு என்ட்ரி’ குறித்த செய்திகள் தற்போது கசிந்துள்ளன. விஜய் டிவியில் பிக்பாஸ் சீசன் 8 அக்டோபர் 6ஆம் தேதி தொடங்கியது. அர்னவ், ரவீந்தர், தர்ஷா குப்தா, பவித்ரா ஜனனி உள்ளிட்ட பதினெட்டு பேர் போட்டியாளர்களாக பிக்பாஸ் வீட்டுக்குள் சென்றனர். **(இன்றைய நாளின் பிக்பாஸ் ப்ரோமக்களை இந்த செய்திக்கு இடையில் அடுத்தடுத்து காணலாம்) **நிகழ்ச்சியின் தொடக்கத்தில் சாச்சனா வெளியேறியதோடு, மீண்டும் அவர் வீட்டுக்குள் வந்ததால் அதிரடியான எவிக்ஷன் ஏன் நடந்தது என்பது இன்றுவரை கேள்விக்குறியாக உள்ளது. தொடர்ந்து முதல் வார எவிக்ஷனுக்கான ஷூட்டிங் நடைபெற்றது, அதில் தயாரிப்பாளர் ரவீந்தர் வெளியேறினார். இரண்டாவது வார எவிக்ஷனில் நடிகர் அர்னவ் வெளியேறிய நிலையில், தற்போது 7 ஆண்களும் 9 பெண்களும் மொத்தம் 16 போட்டியாளர்கள் அந்த வீட்டில் உள்ளனர்.
பிக்பாஸ் நிகழ்ச்சியில் போட்டியாளர்கள் சிலர் முதலில் பங்கேற்காமலும், சில நாட்கள் கழித்து ‘வைல்டு கார்டு’ என்ட்ரியாக அனுப்பப்படுவது வழக்கமாகும். கடந்த சீசனில் அர்ச்சனா வைல்டு கார்டு என்ட்ரியாக உள்ளே வந்து டைட்டில் வென்றார் என்பது அனைவருக்கும் தெரிந்த செய்திதான். இதனால், இந்த சீசனின் வைல்டு கார்டு என்ட்ரி எப்போது இருக்கும் என்ற எதிர்பார்ப்பு பிக்பாஸ் ரசிகர்களிடையே அதிகமாக உள்ளது. ஆரம்பத்தில் தேர்ந்தெடுக்கப்பட்ட சிலரை உடனே அனுப்பாமல், ‘வைல்டு கார்டு என்ட்ரியாக பிறகு அனுப்பலாம்’ என திட்டமிட்டதாகவும் கூறப்படுகிறது. அந்த வகையில் நடிகை ஐஸ்வர்யா, ரோஷன் போன்ற சிலரின் பெயர்கள் இந்த சீசனின் வைல்டு கார்டு என்ட்ரியாக அடிபட்டு வருவதாக கூறப்படுகிறது.
நமக்குக் கிடைத்த தகவலின் அடிப்படையில், ‘வைல்டு கார்டு என்ட்ரிக்காக சிலர் தொடர்பு கொண்டுள்ளனர். இந்த வார இறுதி அல்லது தீபாவளி விழாவுக்கு ஒட்டி வைல்டு கார்டு என்ட்ரி இருக்கலாம். மேலும், இது ஒன்றிற்கும் மேல் வரலாம்’ எனவும் கூறப்பட்டுள்ளது.
மேலும், ஒரு புதிய திருப்பமாக நடிகர் அர்னவின் மனைவி திவ்யாவையும் வைல்டு கார்டு போட்டியாளராக அணுகியதாக கூறப்படுகிறது. ‘முதலே நாள் முதலிலிருந்தே திவ்யாவிடம் பேசியிருந்தார்கள். ஆனால் அப்போது திவ்யாவுக்கு அர்னவ் மட்டுமே நிகழ்ச்சிக்கு போவதாக கூறியுள்ளனர். அன்ஷிதா பற்றிய தகவல் திவ்யாவிற்கு தெரிவிக்கப்படவில்லை. ஆனால், நிகழ்ச்சியை பார்த்த பிறகு தான் அன்ஷிதா நிகழ்ச்சியில் பங்கேற்றது திவ்யாவுக்கு தெரிந்தது. இதனால், திவ்யா வைல்டு கார்டு என்ட்ரிக்குச் சம்மதிப்பாரா என்பது தெரியவில்லை’ என மேலும் தகவல்கள் கூறுகின்றன. தற்போது, பிக்பாஸ் வீட்டுக்குள் ஆண்களின் எண்ணிக்கை குறைவாக இருப்பதால், வைல்டு கார்டு போட்டியாளர்களில் ஆண்களின் எண்ணிக்கை அதிகரிக்க கூடும் என தெரிவிக்கப்படுகிறது.
