முகேஷ் குமார் சிங் இயக்கத்தில் விஷ்ணு மஞ்சு, மோகன்பாபு, மோகன்லால், பிரபாஸ், ப்ரீத்தி முகுந்தன், அக்ஷய் குமார், சரத்குமார், காஜல் அகர்வால் மற்றும் பலர் நடிக்கும் தெலுங்குப் படம் ‘கண்ணப்பா’. சரித்திர காலப் படமாக பான் இந்தியா ரிலீஸாக வெளியாக உள்ள இந்தப் படத்தின் டீசர் சில தினங்களுக்கு முன்பு வெளியானது.
டீசருக்கு ரசிகர்களிடம் நல்ல வரவேற்பு கிடைத்து வருகிறது. பிரம்மாண்டமான உருவாக்கம், சண்டைக் காட்சிகள் என அசத்தலாக இருந்தது டீசர். அதில் ஒரு பெண் சண்டை போடும் காட்சிகள் தெலுங்கு ரசிகர்களை வெகுவாகக் கவர்ந்தது.
ரசிகர்கள் மட்டுமல்ல தெலுங்கு தயாரிப்பாளர்களும், இயக்குனர்களும் யார் இவர் எனக் கேட்க ஆரம்பித்துவிட்டார்களாம்.கவின் நடித்து கடந்த மாதம் வெளியான ‘ஸ்டார்’ படத்தின் மூலம் கதாநாயகியாக அறிமுகமான ப்ரீத்தி முகுந்தன் தான் அந்தப் பெண். ‘கண்ணப்பா’ படம் வெளியாவதற்கு முன்பே அவரைத்தேடி சில தெலுங்குப் பட வாய்ப்புகள் சென்றுள்ளதாக தகவல்கள் வெளியாகியுள்ளன.
