கௌதம் மேனன் தமிழ் சினிமாவின் முன்னணி இயக்குனர்களில் ஒருவர். அவர் இயக்கிய மின்னலே, காக்க காக்க, வேட்டையாடு விளையாடு, வாரணம் ஆயிரம் போன்ற திரைப்படங்கள் ட்ரெண்ட் செட்டிங்காக அமைந்தன. அதே நேரத்தில், தற்போது தமிழ் சினிமாவில் அவருக்கு பெரிய வாய்ப்புகள் இல்லை என கூறப்படுகிறது. இதற்குக் காரணம் அவரது கடன் பிரச்சினை என சொல்லப்படுகிறது.
இந்நிலையில், கௌதம் மேனன் மலையாள சினிமாவில் இயக்குனராகப் புதிய முயற்சியை எடுத்துள்ளார். மம்மூட்டி நடிக்கும் ஒரு படத்தை அவர் இயக்கி வருகிறார். இந்த படத்தை மம்மூட்டி தனது ‘மம்மூட்டி கம்பெனி’ மூலம் தயாரித்து வருகிறார்.
இந்த படத்தின் படப்பிடிப்பு 90 சதவிகிதம் நிறைவடைந்த நிலையில், இப்படத்திற்கு “மிஸ்டர் டிடெக்டிவ்” என்று பெயரிடப்பட்டுள்ளது. தமிழ் மற்றும் மலையாளம் ஆகிய இரு மொழிகளிலும் இப்படம் வெளியாகும் என எதிர்பார்க்கப்படுகிறது.
