‘தக் லைப்’ திரைப்படத்திற்கு பிறகு, நடிகர் சிலம்பரசன் அடுத்ததாக இயக்குநர் வெற்றிமாறன் இயக்கும் புதிய திரைப்படத்தில் நடிக்கிறார். இந்த படம் வடசென்னையை மையமாகக் கொண்டு உருவாகும் கேங்ஸ்டர் திரைப்படமாக உருவாகிறது.
இயக்குநர் வெற்றிமாறன், தனது முந்தைய ‘வடசென்னை’ திரைப்படத்துடன் நேரடி தொடர்பு இல்லாத, ஆனால் அதே காலப்பிரிவில் நடக்கும் மற்றொரு கதையை புதிய படமாக இயக்கி வருகிறார். இதில், சிலம்பரசன் கதாநாயகனாக நடிக்கிறார். மேலும், ‘வடசென்னை’ படத்தில் நடித்திருந்த சமுத்திரக்கனி, கிஷோர் ஆகியோர் இந்தப் புதிய படத்திலும் நடிக்கிறார்கள்.
சமீபத்தில் இப்படத்தின் படப்பிடிப்பு பணிகள் சென்னையில் துவங்கியது. அந்தப் படப்பிடிப்பின் போது எடுக்கப்பட்ட ஒரு புகைப்படம் இணையத்தில் வைரலானது. மேலும் இப்படத்தில் சிம்பு இளமை தோற்றத்திலும், சிறிய முதுமை தோற்றத்திலும் நடிக்கவிருக்கிறார் என தகவல்கள் தெரிவிக்கின்றன. இதற்கிடையில், சில காரணங்களால் ‘எஸ்டிஆர் 49’ திரைப்படத்தின் படப்பிடிப்பு தற்காலிகமாக நிறுத்தப்பட்டிருப்பதாக செய்திகள் வெளியாகின. இந்த நிலையில் ‘எஸ்டிஆர் 49’ படத்தின் முன்னோட்ட வீடியோ ஆகஸ்ட் மாதம் 2வது அல்லது 3வது வாரத்தில் தியேட்டர்களில் வெளியிடப்படும் என்று தகவல்கள் வெளியாகியுள்ளது.
