1996ஆம் ஆண்டு, டாம் குரூஸ் நடிப்பில் சீக்ரட் ஏஜெண்டை மையமாக வைத்து ‘மிஷன் இம்பாஸிபிள்’ திரைப்படம் வெளியானது. அதன் முதல் பாகம் மிகுந்த வரவேற்பைப் பெற்றதைத் தொடர்ந்து, தொடர்ந்து 7 பாகங்கள் வெளியாகின. இந்த பாகங்கள் அனைத்தும் ரசிகர்களிடையே நல்ல வரவேற்பைப் பெற்றன. கடந்த ஆண்டு ஜூலை மாதம் இந்தத் தொடரின் 7ஆம் பாகம் வெளியானது. அந்தப் பாகத்தில் ‘ஏ.ஐ தொழில்நுட்பம்’ மையமாகக் கொண்டு கதை உருவாக்கப்பட்டது.
தற்போது, ‘மிஷன் இம்பாஸிபிள்’ தொடரின் 8ஆம் பாகத்திற்கான புதிய டீசர் மற்றும் டிரெய்லர் படக்குழுவால் வெளியிடப்பட்டுள்ளது. இந்த டிரெய்லரில் இடம் பெற்ற காட்சிகள் ரசிகர்களிடையே மிகுந்த வரவேற்பைப் பெற்றுள்ளன. முந்தைய பாகத்தைக் கண்டதுபோல், இந்தப் பாகத்தையும் இயக்குநர் கிறிஸ்டோபர் மெக்யூரியே இயக்கியுள்ளார். இந்த பாகமே இந்த தொடரின் கடைசி பாகமாக இருக்கலாம் என எதிர்பார்க்கப்படுகிறது.
இந்த திரைப்படம் உலகமெங்கும் மே 23ஆம் தேதி வெளியாகவிருக்கிறது. ஆனால் இந்தியாவில் மட்டும், ஒரு வாரம் முன்னதாகவே மே 17ஆம் தேதி இப்படம் வெளியாவதாக அறிவிக்கப்பட்டுள்ளது. இந்திய வெளியீட்டுக்குப் பிறகே உலகளாவிய வெளியீடு நடைபெறவுள்ளது. இதனால், இந்திய ரசிகர்கள் மிகுந்த மகிழ்ச்சியுடனும் எதிர்பார்ப்புடனும் காத்திருக்கின்றனர். முந்தைய பாகத்தில், கதாநாயகன் ஒரு முக்கியமான ‘கீ’யை தேடி பயணிக்கிறார். இந்த பாகமும் அதே தொடரின் கதையை தொடர்ந்து, அந்த ‘கீ’யைத் தேடி அவர் மேற்கொள்ளும் பயணத்தை மையமாகக் கொண்டு நகர்கிறது.
