10 ஆண்டுகளுக்கு முன்பு தமிழ் திரையுலகில் நடித்து வந்தவர் ஸ்வாசிகா. ஆனால் அதன் பின் அவருக்கு ஏற்ற வாய்ப்புகள் கிடைக்காமல் போனதால், அவர் மீண்டும் கேரளா மாநிலத்திற்கு திரும்பி சென்று விட்டார். தற்போது ‘லப்பர் பந்து’ என்ற திரைப்படத்தின் வாயிலாக திரும்பியுள்ளார். இந்தப் படத்தின் வெற்றி அவருக்கு பல புதிய வாய்ப்புகளை அளித்துள்ளது. அதன் ஒரு பகுதியாக, சூரி நாயகனாக நடித்திருக்கும் ‘மாமன்’ என்ற திரைப்படத்தில் ஸ்வாசிகா முக்கிய வேடத்தில் நடித்துள்ளார். இதில் அவர் சூரியின் அக்காவாக முக்கியமான கதாபாத்திரத்தில் நடித்துள்ளார். இப்படத்தில் நாயகியாக ஐஸ்வர்யா லட்சுமி நடித்துள்ளார்.
இந்த திரைப்படத்தின் பாடல்கள் வெளியிடும் விழா அண்மையில் நடைபெற்றது. அந்த விழாவில் கலந்து கொண்டு பேசிய ஸ்வாசிகா, இந்தக் கதையில் குடும்ப உறவுகள் மிகவும் அழகாக படம் பிடிக்கப்பட்டுள்ளதாக தெரிவித்தார். “படத்தை பார்க்கும்போது எனக்கும் ஒரு சகோதரர் உள்ளார் என்பதையும், அவருடன் கழித்த நினைவுகளையும், தவறவிட்ட தருணங்களையும் இது நினைவுபடுத்துகிறது” என்று கூறினார்.
தமிழகத்தில் தாய்மாமன்கள் எனும் உறவுகளுக்கு கலாசார ரீதியாக ஒரு முக்கியத்துவம் உள்ளது. ஆனால் அதேபோல் கேரளாவில் அத்தகைய சிறப்புமிக்க முக்கியத்துவம் இல்லை என்றாலும், கேரளாவிலும் தாய்மாமன்கள் இருக்கிறார்கள். அவர்களைப் பார்க்கும் போது மனதில் ஒரு மரியாதையும், ஓரளவு பயமும் ஏற்படுகிறது. எனக்கும் தாய்மாமன் ஒருவர் இருக்கிறார். இப்படத்தைப் பார்க்கும் போது அந்த உறவுகளின் நெருக்கத்தை அனைவரும் உணர்வார்கள் என்றார்.
படப்பிடிப்பு நடைபெற்ற நாட்களில், எங்கள் அனைவரும் ஒரே குடும்பமாக இணைந்து மகிழ்ச்சியாக பணியாற்றினோம். ‘லப்பர் பந்து’ படத்திற்கு பிறகு ‘மாமன்’ படத்தில் நடித்திருக்கிறேன். இந்தப் படத்தைப் பார்த்து ரசிகர்கள் என்ன கூறப் போகிறார்கள் என்பதை அறிய ஆவலாக காத்திருக்கிறேன்” என்று அவர் கூறினார். ஸ்வாசிகா தெரிவித்த “கேரளாவில் தாய்மாமன்களுக்கான கலாசார உறவு இல்லை” என்ற கருத்தை, கேரளாவை சேர்ந்த இணையவாசிகள் கடுமையாக விமர்சித்து வருகின்றது. அங்குள்ள சமூக வலைதளங்களில் கேரள தாய்மாமன் உறவை பற்றிய பதிவுகள் கொண்டு, ஸ்வாசிகாவை விமர்சிக்கின்றனர்.
