மலையாள சினிமாவின் முன்னணி நடிகரான டொவினோ தாமஸ், தனது அடுத்த படமாக நரி வேட்டை என்ற திரைப்படத்தில் நடித்துள்ளார். இந்த திரைப்படத்தை அனுராஜ் மனோகர் இயக்கியுள்ளார். இதற்கு முன் அவர், ஷேன் நிகாம் நடித்த இஷ்க் திரைப்படத்தை இயக்கியிருந்தார் என்பது குறிப்பிடத்தக்கது.
குறிப்பாக, இந்த படத்தின் மூலம் சேரன் முதன்முறையாக மலையாள திரைப்படத்தில் நடித்திருக்கிறார் அவருடன் சுராஜ் வெஞ்சரமூடு மற்றும் பிரியம்வட கிருஷ்ணனும் முக்கிய கதாபாத்திரங்களில் நடித்துள்ளனர். திரைப்படம் தமிழ் மற்றும் மலையாளம் ஆகிய இரு மொழிகளில் வெளியாவதாக அறிவிக்கப்பட்டுள்ளது. தற்போது இப்படத்தின் தமிழ் டிரெய்லரை படக்குழுவினர் வெளியிட்டுள்ளனர்.
இந்த திரைப்படம் மே 23 ஆம் தேதி வெளியாகவுள்ளது. உண்மையான சம்பவத்தின் அடிப்படையில் உருவாக்கப்பட்டிருப்பதால், இப்படத்தின் மீது ரசிகர்களிடையே மிகுந்த எதிர்பார்ப்பு உருவாகியுள்ளது.
