தமிழ்த் திரைப்பட உலகில் முக்கியமான நடிகர்களில் ஒருவராக உள்ளார் சிபி சத்யராஜ். இவர் நடித்த ‘வட்டம்’, ‘மாயோன்’, ‘கபடதாரி’, ‘வால்ட்டர்’ போன்ற படங்கள் ரசிகர்களிடம் நல்ல வரவேற்பை பெற்றன. தற்போது, அவர் ஆக்சன் மற்றும் கிரைம் திரில்லர் கலந்த ஒரு புதிய திரைப்படத்தில் நடித்துள்ளார், இது முழுமையாக முடிவடைந்திருக்கிறது. இந்த படத்தினை இயக்குனர் இளையராஜா கலியபெருமாள் எழுதி இயக்கியுள்ளார்.
இந்த படத்திற்கு “டென் ஹவர்ஸ்” என்று பெயரிடப்பட்டுள்ளது. பைவ் ஸ்டார் மற்றும் டுவைன் நிறுவனங்கள் இணைந்து இந்த படத்தை தயாரித்துள்ளன. இசையமைப்பாளராக கே.எஸ். சுந்தரமூர்த்தி பணியாற்றியுள்ளார், மேலும் ஒளிப்பதிவை ஜெய் கார்த்திக் மேற்கொண்டுள்ளார். இப்படம் வரவிருக்கும் ஏப்ரல் 18-ஆம் தேதி திரையரங்குகளில் வெளியாக இருக்கிறது.
சமீபத்தில் வெளியான முதல் டிரெய்லர் மக்களின் கவனத்தை வெகுவாக ஈர்த்தது. தற்போது, படத்தின் இரண்டாவது டிரெய்லரும் வெளியிடப்பட்டுள்ளது. இப்படத்தின் கதைக்களம், ஒரே இரவில் பேருந்தில் நடைபெறும் கொலையை மையமாகக் கொண்டு உருவாக்கப்பட்டுள்ளது. இப்படத்தின் இரண்டு ட்ரெய்லர்களும் படத்தின் மீது மிகப்பெரிய எதிர்பார்ப்பை ஏற்படுத்தியுள்ளன.
