பாலிவுட் மட்டுமின்றி தென்னிந்தியாவிலும் அதிக அளவில் ரசிகர்கள் மத்தியில் வரவேற்பைப் பெற்ற ரியாலிட்டி நிகழ்ச்சி தான் பிக்பாஸ். இந்த நிகழ்ச்சி தமிழில் கமல்ஹாசன், தெலுங்கில் நாகார்ஜுனா, கன்னடத்தில் சுதீப் மற்றும் மலையாளத்தில் மோகன்லால் ஆகியோர் தொகுத்து வழங்கி வருகின்றனர்.
இந்த நிகழ்ச்சி துவங்கிய நாளிலிருந்து அவர்கள் அந்தந்த மொழிகளில் தொடர்ச்சியாக இதை தொகுத்து, ரசிகர்களை ஆர்வமாக ஈர்த்து வருகின்றனர். கடந்த ஆண்டு தமிழில் மட்டும், கமல்ஹாசனுக்கு பதிலாக நடிகர் விஜய்சேதுபதி இந்த நிகழ்ச்சியின் தொகுப்பாளராக அறிமுகமாகி, அதை நடத்த ஆரம்பித்தார்.
இந்நிலையில், மலையாள பிக்பாஸ் சீசன் 7 நாளை ஆகஸ்ட் 3ம் தேதி ஞாயிற்றுக்கிழமை துவக்க விழாவுடன் ஆரம்பிக்க உள்ளது. இந்த நிகழ்ச்சியை வழக்கம்போல மோகன்லால் தொகுத்து வழங்குகிறார். இந்த நிகழ்ச்சி ஆசியாநெட் சேனலில் ஒளிபரப்பாக இருக்கிறது.
