2019 ஆம் ஆண்டு ஆதியன் ஆதிரை இயக்கத்தில் ‘அட்டகத்தி’ தினேஷ் நடிப்பில் உருவான ‘இரண்டாம் உலகப்போரின் கடைசி குண்டு’ திரைப்படம் விமர்சகர்களிடையே நல்ல வரவேற்பைப் பெற்றது. அந்த படத்திற்குப் பிறகு ஆதியன் ஆதிரை இயக்கிய இரண்டாவது படம் ‘தண்டகாரண்யம்’. இந்தப் படத்தை இயக்குநர் பா.ரஞ்சித்தின் நீலம் புரொடக்சன்ஸ் நிறுவனம் தயாரித்துள்ளது.
இப்படத்தில் ‘அட்டகத்தி’ தினேஷ், கலையரசன் ஆகியோர் முக்கிய கதாபாத்திரங்களில் நடித்துள்ளனர். மேலும், பாலசரவணன், முத்துக்குமார், ரித்விகா, வின்சு, அருள்தாஸ், யுவன்மயில்சாமி, சரண்யா ரவிச்சந்திரன் உள்ளிட்ட பலரும் நடித்துள்ளனர். இப்படத்திற்குப் ஜஸ்டின் பிரபாகரன் இசையமைத்துள்ளார். பாடல்களை உமாதேவி, அறிவு, தனிகொடி ஆகியோர் எழுதியுள்ளனர்.
‘யு/ஏ’ தணிக்கை சான்றிதழ் பெற்ற இப்படம் வரும் செப்டம்பர் 19 அன்று திரையரங்குகளில் வெளியாக உள்ளது. இதன் முன்னோட்டமாக, ‘தண்டகாரண்யம்’ திரைப்படத்தில் அட்டகத்தி தினேஷ் மற்றும் கலையரசன் நடித்துள்ள கதாபாத்திரங்களின் போஸ்டர் வெளியிடப்பட்டுள்ளது. அதன்படி, தினேஷ் இப்படத்தில் “சடையன்” என்ற கதாபாத்திரத்திலும் நடிகர் கலையரசன் முருகன் என்ற கதாபாத்திரத்திலும் நடித்துள்ளனர்.
