அர்ஜுன் மற்றும் ஐஸ்வர்யா ராஜேஷ் முன்னணி கதாபாத்திரங்களில் இணைந்து நடித்திருக்கும் திரைப்படம் தீயவர் குலை நடுங்க. இப்படத்தில் ஜிகே ரெட்டி, லோகு, பிக் பாஸ் அபிராமி, ராம்குமார், தங்கதுரை உள்ளிட்ட பலரும் நடித்துள்ளனர்.
இந்த படத்தை தினேஷ் லக்சுமணன் எழுதி, இயக்கியுள்ளார். ஜி.ஆர். ஆர்ட்ஸ் மற்றும் சன் மூன் யுனிவர்சல் பிக்சர்ஸ் நிறுவனங்கள் இணைந்து தயாரித்துள்ளன. இசை பரத் ஆசிவகன் அமைக்க, ஒளிப்பதிவு சரவணன் அபிமன்யு மேற்கொண்டுள்ளார்.
தொடக்கத்தில் இப்படத்துக்கு தீயவர் குலைகள் நடுங்க என்று பெயர் வைக்கப்பட்டிருந்தது. பின்னர் சிறிய மாற்றம் செய்து, தீயவர் குலை நடுங்க என்று தலைப்பை மாற்றியுள்ளனர். படப்பிடிப்புகள் நிறைவடைந்திருந்தும், ரிலீஸ் நீண்ட நாட்களாக நிலுவையில் இருந்தது. தற்போது, இப்படத்தின் டீசர் வெளியிடப்பட்டுள்ளது. படம் விரைவில் திரையரங்குகளை அடையும் என எதிர்பார்க்கப்படுகிறது.
