“சந்தானமும், நானும் சிவன் கோவில்கள் பற்றி நிறைய பேசுவோம்” – சொல்கிறார் நடிகை ரியா சுமன்

‘சீறு’, ‘மன்மத லீலை’ படங்களில் நாயகியாக நடித்திருந்த நடிகை ரியா சுமன் சமீபத்தில் வெளிவந்த ‘ஏஜென்ட் கண்ணாயிரம்’ படத்தில் சந்தானத்திற்கு ஜோடியாக நடித்திருந்தார்.

சந்தானம் பற்றி அவர் அளித்த ஒரு பேட்டியில், “சந்தானம் ரொம்ப ஜோவியல். ரொம்பவும் ப்ரெண்ட்லி நேச்சர் பெர்ஸன். எப்பவும் ஜோக் அடிச்சுக்கிட்டேயிருப்பார். இல்லாட்டி கவுண்ட்டர் கொடுத்துக்கிட்டேயிருப்பார். காமெடியைத் தாண்டி சந்தானம் ஸாரிடம் சீரியஸ் பக்கமும் இருக்கு. ரொம்ப நல்லா அப்சர்வேஷன் பண்ணுவார். சொல்லப் போனா அவரோட காமெடி ரகசியமே அதுதான். அவர் மற்றவங்களைப் பண்ற அப்சர்வேஷன்ல இருந்துதான் அவரோட காமெடியே வருதுன்னு நினைக்கிறேன். நாங்க ரெண்டு பேருமே சிவன் பக்தர்கள் என்பதால் சிவனைப் பற்றியும், சிவாலயங்கள் பற்றியும் நிறைய பேசினோம்..” என்கிறார் ரியா சுமன்.