முதல் முறையாக ஹாரர் படத்தை கையில் எடுத்த ராஷ்மிகா மந்தனா… வெளியான அதிகாரபூர்வ அறிவிப்பு!

இந்த ஆண்டு பாலிவுட்டில் வெளியான ஹாரர் படங்கள் பெரிய அளவில் வரவேற்பைப் பெற்று, அதிக வசூல் செய்துள்ளன. அதன்படி, ‘ஷைத்தான்’, ‘முஞ்யா’, ‘ஸ்ட்ரீ 2’ போன்ற படங்கள் பெரும் வரவேற்பைப் பெற்றன.

இந்த சூழலில், இதுவரை ஹாரர் படத்தில் நடிக்காத நடிகை ராஷ்மிகா மந்தனா, தற்போது ஹாரர் வகையைத் தேர்ந்தெடுத்துள்ளார். அவரின் முதல் ஹாரர் படம், ‘ஸ்ட்ரீ’, ‘ஸ்ட்ரீ 2’, ‘முஞ்யா’ போன்ற படங்களை தயாரித்த மேட்காப் நிறுவனம் தயாரிக்க உள்ளது.

ராஷ்மிகா மந்தனா கதாநாயகியாக நடிக்கும் இப்படத்திற்கு ‘தாமா’ என பெயரிடப்பட்டுள்ளது. ‘முஞ்யா’ படத்தின் இயக்குனர் ஆதித்யா சர்போத்தர் இயக்கவுள்ள இந்த படத்தில், ஆயுஷ்மான் குரானா கதாநாயகனாக நடிக்கவுள்ளார். மிகப்பெரிய பட்ஜெட்டில் உருவாக உள்ள இப்படம் அடுத்த ஆண்டு தீபாவளிக்கு திரையரங்குகளில் வெளியாகும் என்று அறிவிக்கப்பட்டுள்ளது.