லோகேஷ் கனகராஜ் இயக்கத்தில், ரஜினிகாந்த் நடித்துள்ள திரைப்படம் கூலி. இப்படத்தில் நாகார்ஜுனா, உபேந்திரா, சத்யராஜ், ஸ்ருதிஹாசன் ஆகியோர் முக்கிய பாத்திரங்களில் நடித்திருக்கிறார்கள் இப்படத்தின் படப்பிடிப்பு முடிவடைந்த நிலையில், இறுதிகட்ட பணிகள் தீவிரமாக நடைபெற்று வருகின்றன.

இப்படத்திற்கு அனிருத் இசையமைத்துள்ளார். ஆகஸ்ட் 14ஆம் தேதி திரையரங்குகளில் வெளியாக உள்ளது.இயக்குனர் லோகேஷ் கனகராஜ் சமீபத்திய நேர்காணல் ஒன்றில், ரஜினிகாந்த் அவர்களின் காட்சிகளை படமாக்கி முடித்து நான்கு மாதங்கள் ஆகிவிட்டது. அவரை நாங்கள் மிகவும் மிஸ் செய்கிறோம். இருப்பினும், படத்தின் விஷயங்களை அவரிடம் பகிர ‘ஜெயிலர் 2’ படப்பிடிப்பு தளத்திற்கு சென்று வருவேன். ‘கூலி’ படத்திற்கான டப்பிங் முடிந்ததும் ரஜினி சார் என்னை கட்டியணைத்து பாராட்டினார்.
மேலும், இந்தப் படம் இன்னொரு ‘தளபதி’ போல இருக்கும் என்றார். அவருடைய இந்த வார்த்தைகள் எனக்கும் படக்குழுவினருக்கும் மிகுந்த உற்சாகத்தை அளித்தது எனக் கூறியுள்ளார்.