‘இட்லி கடை’ படத்தில் கயல் என்ற கதாபாத்திரத்தில் நடித்துள்ள நித்யா மேனன்… வெளியான கதாபாத்திரப் போஸ்டர்!

தமிழ் சினிமாவில் இயக்குநராகவும், நடிகராகவும் வலம் வரும் தனுஷ், இயக்குனராக 4வது படமாக “இட்லி கடை” படத்தை இயக்கியுள்ளார். இப்படத்தில் அவர் ஹீரோவாக நடிக்க, இசையமைப்பாளராக ஜி.வி. பிரகாஷ் பணியாற்றியுள்ளார். டான் பிக்சர்ஸ் நிறுவனம் தயாரித்த இப்படத்தில் ராஜ்கிரண், நித்யா மேனன், அருண் விஜய், சத்யராஜ், பார்த்திபன் உள்ளிட்ட பலர் நடித்துள்ளனர். 

அருண் விஜய் இப்படத்தில் வில்லனாக நடிக்கிறார். அக்டோபர் 1ம் தேதி திரைக்கு வர உள்ள இப்படத்திற்கான இசை வெளியீட்டு விழா செப்டம்பர் 14ம் தேதி சென்னை நேரு மைதானத்தில் நடைபெற உள்ளது. 

இதற்கிடையில், படக்குழு கதாபாத்திர அறிமுக போஸ்டர்களை வெளியிட்டு வருகிறது. அதன்படி, நித்யா மேனன், “கயல்” எனும் கதாபாத்திரத்தில் நடிப்பதாக படக்குழு போஸ்டர் வெளியிட்டு அறிவித்துள்ளது.