டான் பிக்சர்ஸ் தயாரிப்பு நிறுவனத்தின் நான்காவது படைப்பாக, தயாரிப்பாளர் ஆகாஷ் பாஸ்கரன் இயக்கத்தில் அதர்வா முரளி நடிக்கும் “இதயம் முரளி” உருவாகி வருகிறது. படத்தின் டைட்டில் மற்றும் டீசர் சமீபத்தில் வெளியாகி ரசிகர்கள் மத்தியில் நல்ல வரவேற்பைப் பெற்றுள்ளன.
இதில் அதர்வாவுடன் தமன் எஸ், ப்ரீத்தி முகுந்தன், கயாது லோஹர், நிஹாரிகா உள்ளிட்டோர் முக்கிய கதாபாத்திரங்களில் நடித்துள்ளனர். முழுக்க முழுக்க இளைய தலைமுறையினரை கவரும் ரொமான்ஸ் திரைப்படமாக இது உருவாகியுள்ளது.
நடிகர் முரளி மறக்கமுடியாத கதாபாத்திரங்களில் ஒன்றாக அமைந்த “இதயம் முரளி” என்ற பெயரையே தலைப்பாகக் கொண்டு, அவரது மகன் அதர்வா நடிப்பதால், ரசிகர்களிடையே படத்திற்கான எதிர்பார்ப்பு அதிகரித்துள்ளது. இதயம் முரளி படத்தின் இறுதிக்கட்ட படப்பிடிப்புகள் அமெரிக்காவில் நடைபெறவுள்ளதாகவும், இப்படம் அடுத்த ஆண்டு காதலர் தினத்தன்று திரையரங்குகளில் வெளியாகும் என்றும் தகவல் வெளியாகியுள்ளது.
