மோசம்! : ‘புராஜெக்ட் கே’ பிரபாஸின் தோற்றம் குறித்து நெட்டிசன்கள்

நாக் அஸ்வின் இயக்கத்தில் பிரபாஸ், கமல், அமிதாப் பச்சன், தீபிகா படுகோன் நடிக்கும் படம் ‘புராஜெக்ட் கே’. சுமார் ரூ.400 கோடி பட்ஜெட்டில் உருவாகி வரும் இப்படம் பான் இந்தியா படமாக தயாராகி வருகிறது. இப்படத்துக்கு சந்தோஷ் நாராயணன் இசையமைத்து உள்ளார்.

சமீபத்தில் இப்படத்தில் நடிகை தீபிகா படுகோனின் முதல் தோற்றப் பார்வை வெளியானது.  இதைத் தொடர்ந்து பிரபாஸின் தோற்றத்தை படக்குழு வெளியிட்டு உள்ளது. பெரும் பில்டப் கொடுக்கப்பட்டு தட்டையான கிராஃபிக்ஸ் காட்சிகளுடன் போஸ்டர் வெளியாகியுள்ளதாக நெட்டிசன்கள் விமர்சித்து வருகின்றனர்.

இது தொடர்பாக நெட்டிசன் ஒருவர், ‘தலையும் உடலும் சரியாக பொருந்தவில்லை’ என குறிப்பிட்டிருக்கிறார்.

ஏற்கெனவே ஆதிபுருஷ் படத்தின் கிராபிக்ஸூம் கடுமையாக விமர்சிக்கப்பட்ட நிலையில் பிராஜக்ட் கே-வும் அந்த வரிசையில் சேர்ந்திருக்கிறது.