NEEK படப்பிடிப்பு தளத்தில் இருந்து மாஸ் செல்ஃபி எடுத்து வெளியிட்ட தனுஷ் மற்றும் ஜி.வி பிரகாஷ்! # NEEK

நடிகர் தனுஷ் சமீபத்தில் இயக்கி நடித்த “ராயன்” திரைப்படம் மக்களிடையே மிகப்பெரிய வரவேற்பைப் பெற்றது. விமர்சன ரீதியாகவும், வணிக ரீதியாகவும் மாபெரும் வெற்றியடைந்த இந்த படத்திற்குப் பிறகு, “நிலவுக்கு என் மேல் என்னடி கோபம்” என்ற புதிய ராம்காம் திரைப்படத்தை இயக்கி வருகிறார். இப்படத்திற்கு ஜி.வி. பிரகாஷ் குமார் இசையமைத்துள்ளார்.

படத்தின் முதல் பாடலுக்கான இறுதி மிக்சிங் முடிவடைந்தது. விரைவில் பாடல் வெளியிடப்படும் என அறிவித்துள்ளார். இதற்காக ஜி.வி. பிரகாஷுடன் எடுத்துக் கொண்ட செல்ஃபியை எக்ஸ் தளத்தில் பகிர்ந்துள்ளார்.

இப்படத்தில் மாத்யூ தாமஸ், பிரியா பிரகாஷ் வாரியர், அனிகா சுரேந்திரன், ரபியா காடூன் மற்றும் பவிஷ் முக்கிய கதாபாத்திரங்களில் நடித்துள்ளனர். திரைப்படம் 2025ஆம் ஆண்டு பிப்ரவரி மாதம் வெளியாகவுள்ளது.