கையில் வேல்கம்பு அருவாளுடன் நிற்கும் நயன்தாரா… ராக்காயி படத்தின் டைட்டில் டீஸர் வெளியீடு!

தமிழ் சினிமா மட்டுமல்லாமல் தெலுங்கு, மலையாளம் போன்ற மொழிகளிலும் முன்னணி நடிகையாக திகழ்கிறார் நயன்தாரா. சமீபத்தில் அட்லீ இயக்கத்தில் உருவான ‘ஜவான்’ திரைப்படத்தின் மூலம் இந்திய அளவில் பெரும் கவனம் பெற்றார்.

இன்றுடன் நயன்தாரா தனது 40-வது பிறந்த நாளை கொண்டாடும் நிலையில், அவரது புதிய படத்தின் தலைப்பு மற்றும் டீசரை படக்குழு வெளியிட்டுள்ளது. அதன்படி, அந்த திரைப்படத்துக்கு ‘ராக்காயி’ என பெயரிடப்பட்டுள்ளது.

இந்தப் படத்தை செந்தில் நல்லசாமி இயக்குவதுடன், இசையமைப்பாளராக கோவிந்த் வசந்தா பணிபுரிகிறார். தமிழ், மலையாளம், கன்னடம், தெலுங்கு மற்றும் இந்தி மொழிகளில் வெளியாக இருக்கும் இப்படத்தை டிரம்ஸ்டிக்ஸ் புரொடக்சன் மற்றும் மூவிவெர்ஸ் இந்தியா ஆகிய தயாரிப்பு நிறுவனங்கள் இணைந்து தயாரிக்கின்றன.