கடந்த 2020-ல் நயன்தாரா நடிப்பில், நடிகர் ஆர்ஜே பாலாஜி இயக்கத்தில் வெளியான ‘மூக்குத்தி அம்மன்’ படம் மிகப்பெரிய வெற்றியை பெற்றது. இதன்பின், தற்போது இப்படத்தின் இரண்டாம் பாகம் ‘மூக்குத்தி அம்மன் 2’ என்ற பெயரில் தயாராகி வருகிறது. இந்த இரண்டாம் பாகத்தை இயக்குனர் சுந்தர் சி இயக்கி வருகிறார்.
இந்த படத்தில் நயன்தாராவுடன் நடிகை மீனா, ரெஜினா கசான்ட்ரா ஆகியோர் நடித்து வருகின்றனர். இப்படத்தில் நடிப்பதன் மூலம் நடிகர் துனியா விஜய் தமிழ் திரையுலகில் என்ட்ரி கொடுத்துள்ளார்.
கன்னடத்தில் கடந்த 20 ஆண்டுகளாக நடிகர் மற்றும் இயக்குனர் ஆகச் வலம் வரும் துனியா விஜய், இந்த படத்தில் வில்லனாக நடித்துள்ளார். தற்போது இப்படத்தில் அவர் சம்பந்தப்பட்ட காட்சிகள் நிறைவு பெற்றுள்ளன. இதன்பின் சுந்தர் சி உள்ளிட்ட படக்குழுவினரிடம் அவர் விடைபெற்று புறப்பட்ட வீடியோ ஒன்று படப்பிடிப்பு தளத்திலிருந்து வெளியாகியுள்ளது.
