நடிகர் சூர்யாவின் 44வது திரைப்படமான ரெட்ரோ, இயக்குநர் கார்த்திக் சுப்பராஜ் இயக்கத்தில் உருவாகியுள்ளது. இப்படத்தில் பூஜா ஹெக்டே கதாநாயகியாக நடித்துள்ளார். மே 1ஆம் தேதி வெளியான இந்த படம் ரசிகர்களிடையே நல்ல வரவேற்பைப் பெற்றுள்ளது.
இந்த படத்தை சூர்யாவின் 2D என்டர்டெயின்மென்ட் மற்றும் கார்த்திக் சுப்பராஜின் ஸ்டோன் பெஞ்ச் நிறுவனம் இணைந்து தயாரித்துள்ளது. சந்தோஷ் நாராயணன் இசையமைத்துள்ளார். முதல் நாளிலேயே இந்த படம் உலகளவில் 46 கோடி ரூபாய் வசூலை தாண்டியுள்ளது. சூர்யா நடித்த திரைப்படங்களில் மிகப்பெரிய ஓப்பனிங் கிடைத்த படமாக ரெட்ரோ அமைந்துள்ளது.
இப்போது பெரும்பாலான திரையரங்குகளில் ஹவுஸ் ஃபுல் நிலை காணப்படுகிறது. எனினும், சில எதிர்மறையான விமர்சனங்கள் இணையத்தில் பதிவாகி வருகின்றன. இதற்கு பதிலளித்த இயக்குநர் கார்த்திக் சுப்பராஜ், “ஆன்லைன் விமர்சனங்களை பார்த்து ஒரு படத்தின் வெற்றியை முடிவு செய்யக்கூடாது என்பதைக் கற்றுக் கொண்டேன். ஒவ்வொருவருக்கும் படத்தைப் பற்றி தனிப்பட்ட கருத்துகள் இருக்கலாம். படத்தின் மீதான மக்களின் ரெஸ்பான்ஸ் மிகச்சிறப்பாக இருக்கிறது. நான் நேரில் திரையரங்குகளில் பார்த்தபோது, மக்கள் அனைவரும் மிகப் பாசிடிவாக படத்தை கொண்டாடினர் என கூறியுள்ளார்.
