‘சங்கராந்திகி வஸ்துனம்’ ஹிந்தி ரீமேக்கில் நடிக்கிறாரா அக்ஷய் குமார்?

இந்தாண்டு பொங்கலுக்கு தெலுங்கில் அனில் ரவிபுடி இயக்கத்தில் வெங்கடேஷ், மீனாட்சி சவுத்ரி, ஐஸ்வர்யா ராஜேஷ் உள்ளிட்டோர் நடிப்பில் வெளியான படம் ‛சங்கராந்திகி வஸ்துனம்’. விமர்சனம் மற்றும் வசூல் ரீதியாக வரவேற்பை பெற்றது. இந்த படத்தை தற்போது ஹிந்தியில் ரீ-மேக் செய்யும் முயற்சிகள் நடக்கின்றன. தயாரிப்பாளர் தில் ராஜூவே ஹிந்தியிலும் அங்குள்ள தயாரிப்பாளர் ஒருவருடன் இணைந்து தயாரித்து, ரீமேக் செய்ய திட்டமிட்டுள்ளார். ஹிந்தியில் ‛பூல் புல்லையா 2 மற்றும் 3ம் பாகங்களை இயக்கிய அனீஸ் பாஸ்மி இயக்குகிறார். இதில் ஹீரோவாக அக் ஷய் குமாரை நடிக்க வைக்க பேசி வருகின்றனர். கமர்ஷியல் விஷயங்களுடன் காமெடி சார்ந்த அம்சங்களும் இந்த கதையில் இருப்பதால் அக் ஷய் குமார் உறுதியாக நடிப்பார் என்கிறார்கள்.