பிரதமர் மோடியின் கதாபாத்திரத்தில் நடிப்பதை நான் பெருமையாக, கவுரவமாக கருதுகிறேன் – நடிகர் உன்னி முகுந்தன்!

மா வந்தே என்ற பெயரில் பிரதமர் மோடியின் வாழ்க்கை வரலாறு திரைப்படமாக உருவாகிறது. இப்படத்தில் பிரதமர் மோடியின் கதாபாத்திரத்தில் நடிகர் உன்னி முகுந்தன் நடிக்கிறார். இதுகுறித்து அவர் கூறுகையில், பிரதமர் மோடியின் கதாபாத்திரத்தில் நடிப்பதை நான் பெருமையாக, கவுரவமாக கருதுகிறேன். நான் அகமதாபாத்தில் பிறந்து வளர்ந்தவன். என்னுடைய குழந்தை பருவத்தில் அப்போது குஜராத்தில் முதல்வராக இருந்தவர் நரேந்திர மோடி. அப்போதிருந்தே அவர் மீது எனக்கு மிகப்பெரிய ஈர்ப்பு உண்டு. இந்த படத்தில் அவரது அரசியல் பயணம் பற்றி பெரிதாக சொல்லாமல், அவர் ஒரு தேசத்திற்கான தலைவனாக எப்படி உருவானார், அவருடைய தாயுடனான பாசப்பிணைப்பு எத்தகையது என்பது பற்றி தான் சொல்கிறோம்” என்று கூறியுள்ளார்.