நடிப்பு, இயக்கம் என பிஸியாக இயங்கி வரும் ஆர்.ஜே. பாலாஜி, சூர்யாவின் 45-வது படத்தை இயக்க உள்ளதாக அறிவிக்கப்பட்டுள்ளது. இதற்கிடையில், ஆர்.ஜே. பாலாஜி ‘சொர்கவாசல்’ திரைப்படத்தில் கதாநாயகனாக நடித்துள்ளார். படத்தின் ஃபர்ஸ்ட்லுக் போஸ்டரை இயக்குநர் பா. ரஞ்சித் வெளியிட்டதில் இருந்து படத்தின் மீதான எதிர்பார்ப்பு அதிகரித்து வந்தது.
சமீபத்தில் வெளியான படத்தின் டீசர் வித்தியாசமான முறையில் அமைந்ததாலும் ரசிகர்களை கவர்ந்தது. பா. ரஞ்சித்தின் உதவி இயக்குநர் சித்தார்த் விஸ்வநாத் இயக்கியுள்ள இந்த படம், ஜெயிலில் நடக்கும் கதைக்களத்துடன் அமைந்துள்ளது. இதில் ஆர்.ஜே. பாலாஜி முற்றிலும் மாறுபட்ட தோற்றத்தில் தோன்றுகிறார். கருணாஸ், செல்வராகவன், பாலாஜி சக்திவேல் ஆகியோர் முக்கிய கதாபாத்திரங்களில் நடித்துள்ளனர்.
ரத்தக் கறை படிந்த கைகளைப் போன்று போஸ்டர் ஒன்றை வெளியிட்டு, படத்தின் முக்கிய அறிவிப்பை இன்று மாலை 5 மணிக்கு வெளியிடுவதாக படக்குழு அறிவித்தது. அதன்படி புதிய வீடியோ ஒன்றை வெளியிட்டு, படத்தின் ரிலீஸ் தேதியையும் படக்குழு அறிவித்துள்ளது. இதன்படி ‘சொர்கவாசல்’ படம் வருகிற நவம்பர் 29ஆம் தேதி திரையரங்குகளில் வெளியாக உள்ளது.
