தாணு தயாரிப்பில், இயக்குநர் வெற்றிமாறன் இயக்கத்தில், நடிகர் சூர்யா முக்கிய கதாபாத்திரத்தில் நடிக்கும் திரைப்படம் தான் ‘வாடிவாசல்’. இது சில ஆண்டுகளுக்கு முன்னரே அறிவிக்கப்பட்ட திரைப்படமாகும். ஆனால், சூர்யா மற்றும் வெற்றிமாறன் இருவரும் தங்களது மற்ற படங்கள் மற்றும் திட்டங்களில் பிஸியாக இருந்த காரணத்தால், இந்தப் படத்தின் படப்பிடிப்பு தொடங்காமல் தள்ளிப்போய்விட்டது.
கடந்த சில மாதங்களாக, இந்தப் படத்தின் தொழில்நுட்ப காட்சிகளை உருவாக்கும் பணிகள் அமெரிக்காவில் நடைபெற்று வருவதாக தகவல்கள் வெளியாகி இருக்கின்றன. இதனுடன், இந்தப் படத்திற்கு இசையமைக்கும் ஜி.வி. பிரகாஷ் பாடல்களுக்கு இசையமைக்கும் பணியில் ஈடுபட்டுள்ளார்.
முன்னதாக, இந்தப் படம் ஜூன் மாதம் தொடங்கும் எனத் தயாரிப்பாளர் தாணு ஒரு பேட்டியில் தெரிவித்துள்ளார். ஆனால் தற்போது, இந்தப் படத்தின் படப்பிடிப்பு வருகிற ஆகஸ்ட் மாதம் 8ம் தேதி ஆரம்பமாகும் என தகவல்கள் வெளியாகியுள்ளன. படப்பிடிப்பு தாமதமாக காரணம், திரைக்கதைப் பணிகள் இன்னும் முழுமையாக முடிக்கப்படாததால், இதனால் படப்பிடிப்பு தள்ளி போயுள்ளது எனத் தெரிவிக்கப்படுகிறது.
