நடிகர் சூர்யா இன்று தனது பிறந்த நாளை கொண்டாடும் நிலையில், அவரது ரசிகர்கள் பலரும் அவரது இல்லத்தின் முன்பு சூழ்ந்து, அவருக்கு வாழ்த்து தெரிவித்தனர். ரசிகர்களை பார்த்த சூர்யா, கையசைத்து புன்னகையுடன் தனது மகிழ்ச்சியையும் நன்றியையும் தெரிவித்தார். இந்த வீடியோ தற்போது இணையத்தில் வைரலாகி வருகிறது.

தற்போது ஆர்.ஜே. பாலாஜி இயக்கும் ‘கருப்பு’ திரைப்படத்தில் நடித்து வருகிறார் சூர்யா. இதில் திரிஷா கதாநாயகியாக நடிக்க, படப்பிடிப்பு முழுவீச்சில் நடைபெற்று வருகிறது. சூர்யாவின் பிறந்த நாளை முன்னிட்டு, இப்படத்தின் டீசர் இன்று வெளியிடப்பட்டது.
இந்தப்படத்திற்கு அடுத்ததாக, தெலுங்கு இயக்குநர் வெங்கி அட்லூரியின் இயக்கத்தில் உருவாகும் தனது 46-வது படத்தில் சூர்யா நடிக்கிறார். சித்தாரா என்டர்டெயின்மென்ட் நிறுவனம் தயாரிக்கும் இந்த படத்திற்கு ஜிவி பிரகாஷ் இசையமைக்க, மமிதா பைஜு கதாநாயகியாக நடிக்கிறார்.