ஏ.ஆர்.ரகுமானின் மும்பை லைவ் கார்செர்ட்-ல் பாடல் பாடி அசத்திய தனுஷ்!

இசையமைப்பாளர் ஏ.ஆர். ரஹ்மான் திரைப்படங்களுக்கு இசையமைப்பதுடன் மட்டுமல்லாமல், உலகின் பல்வேறு நாடுகளிலும் இசை நிகழ்ச்சிகளை நடத்தி வருகிறார். அந்த வரிசையில், மும்பையில் அமைந்துள்ள டி.ஒய். பாட்டில் என்ற கிரிக்கெட் மைதானத்தில் அவரது இசை நிகழ்ச்சி நடைபெற்றது.

இந்த இசை நிகழ்ச்சியில் நடிகர் தனுஷ் சிறப்பு விருந்தினராக கலந்து கொண்டார். அப்போது, தனது ஐம்பதாவது திரைப்படமான ராயன் படத்தில் ஏ.ஆர். ரஹ்மானின் இசையில் உருவான “அடங்காத அசுரன்” பாடலை தனுஷ் நேரடியாக பாடினார். இந்த பாடல் நிகழ்ச்சியில் பார்வையிட்ட ரசிகர்களிடையே மிகுந்த வரவேற்பைப் பெற்றது.

மேலும், ராயன் படத்திற்கு பின்னராக ஹிந்தியில் தனுஷ் நடித்து வரும் தேரே இஸ்க் மெயின் என்ற திரைப்படத்திற்கும் இசையமைப்பாளராக ஏ.ஆர். ரஹ்மான் பணியாற்றி வருவது குறிப்பிடத்தக்கது.