Touring Talkies
100% Cinema

Monday, March 10, 2025

Touring Talkies

சூர்யா 45 படத்தின் படப்பிடிப்பு தளத்தில் நடிகை சுவாசிகவுக்கு காயம்…. வெளியான தகவல்!

Share

- Advertisement -
- Advertisement -
- Advertisement -

நடிகர் சூர்யா ஆர்.ஜே. பாலாஜி இயக்கத்தில் ‘சூர்யா 45’ படத்தில் நடித்து வருகிறார் ‌ இந்த படத்தை டிரீம் வாரியர் பிக்சர்ஸ் நிறுவனம் தயாரிக்கிறது. இப்படத்திற்கு இசையமைப்பாளராக சாய் அபயங்கர் பணியாற்ற உள்ளார். மேலும், முக்கிய கதாபாத்திரத்தில் திரிஷா நடிக்க உள்ளார். சூர்யா மற்றும் திரிஷா 20 ஆண்டுகளுக்கு பின்னர் இந்த படத்தில் இணைந்து நடிக்கின்றனர். இப்படத்தில் சுவாசிகா, இந்திரன்ஸ், யோகி பாபு, ஷிவாதா, சுப்ரீத் ரெட்டி, அனகா மாயா ரவி, மற்றும் நட்டி நட்ராஜ் உள்ளிட்ட பலர் முக்கியமான கதாபாத்திரங்களில் நடிக்கின்றனர்.

படத்தின் முதற்கட்ட படப்பிடிப்பு கோவையில் நடைபெற்றுவிட்டு முடிவடைந்துள்ளது. அதன் பிறகு, இரண்டாம் கட்ட படப்பிடிப்பு பணிகள் சென்னையில் நடைபெற்றது. தற்போது, இப்படத்தின் படப்பிடிப்பு ஐதராபாத்திலுள்ள ராமோஜி பிலிம் சிட்டியில் தொடங்கியுள்ளது. அங்கு படப்பிடிப்பு விறுவிறுப்பாக நடைபெற்று வருகிறது.

இந்தநிலையில், இப்படத்தில் முக்கியமான கதாபாத்திரத்தில் நடித்து வரும் நடிகை சுவாசிகா, படப்பிடிப்பு நடைபெறும் போது அவரது இடது கையில் பலத்த காயம் ஏற்பட்டுள்ளது. காயம் முழுமையாக ஆறிய பிறகு, அவர் மீண்டும் படப்பிடிப்பில் பங்கேற்க உள்ளார் என தகவல்கள் தெரிவிக்கின்றன. சண்டைக் காட்சி படமாக்கும் போதே இந்த காயம் ஏற்பட்டதாக கூறப்படுகிறது. தனது காயம் பற்றிய தகவலை அவர் இன்ஸ்டாகிராம் பக்கத்தில் பகிர்ந்துள்ளார்.

- Advertisement -

Read more

Local News