ஸ்ரீ லட்சுமி ட்ரீம் பேக்டரி நிறுவனத்தின் சார்பில் ஆர். பிரபாகர் ஸ்தபதி தயாரித்துள்ள கிறிஸ்டினா கதிர்வேலன் திரைப்படத்தை எஸ்.ஜே.என். அலெக்ஸ் பாண்டியன் இயக்கியுள்ளார். இதில் கௌஷிக் ஸ்ரீ ராம், பிரதீபா, சிங்கம் புலி, கஞ்சா கருப்பு, ஜெயக்குமார், அருள் டி. சங்கர், டி.எஸ்.ஆர்., ‘சில்மிஷம்’ சிவா, ஜனனி உள்ளிட்ட பலரும் நடித்துள்ளனர். பிரஹத் முனியசாமி ஒளிப்பதிவு செய்துள்ள இந்த கிராமத்து காதல் கதைக்கு என். ஆர். ரகுநந்தன் இசையமைத்துள்ளார். படம் வரும் 7ம் தேதி வெளியிடப்பட உள்ளது.
படத்தின் அறிமுக நிகழ்வில் நாயகி பிரதீபா பேசுகையில், “கிறிஸ்டினா கதாபாத்திரத்திற்காக என்னைத் தேர்வு செய்து, இந்த வாய்ப்பை வழங்கியதற்காக இயக்குநருக்கு நன்றி. இது கிராமிய பின்னணியிலான கல்லூரி காதல் கதையாக உருவாகியுள்ளது.
இந்தப் படம் பருத்திவீரன், மைனா படங்கள் ஏற்படுத்திய தாக்கத்தைப் போல், ரசிகர்களுக்கும் அதே அளவில் உணர்ச்சி தாக்கத்தை ஏற்படுத்தும். படத்தில் இயக்குநர் முன்வைத்த ஒரு கருத்து உள்ளது இந்தப் படம் பார்க்கும் ஒவ்வொரு ஆணுக்கும் அந்தக் கருத்து ஒரு கேள்வியாக தோன்றும். அதன் விடை அவர்களுக்கு மட்டுமே தெரியும்,” என்று கூறினார்.
