தெலுங்கு திரைப்பட நடிகை நயன் சரிகா இதுவரை மூன்று படங்களில் நடித்துள்ளார். அதில், ஆனந்த் தேவரகொண்டா நடிப்பில் வெளியான “கம் கம் கணேஷா” இவரது முதல் படமாகும். காமெடி திரில்லர் வகையைச் சேர்ந்த இப்படம் கலவையான விமர்சனங்களை பெற்றது.
அதற்குப் பிறகு, நயன் சரிகா ‘அய்’ படத்தில் நடித்தார். சுதந்திர தினத்தை முன்னிட்டு வெளியான இப்படம் பெரும் வரவேற்பைப் பெற்றது. பல்லவி எனும் கதாபாத்திரத்தில் நடித்த அவர் பாராட்டுகளைக் குவித்தார்.
இந்த படத்திற்குப் பின்பு, தனது மூன்றாவது படமான ‘கா’வில் சத்யபாமா எனும் கதாபாத்திரத்தில் கிராமத்து பெண்ணாக நடித்து ரசிகர்களை கவர்ந்தார். இளைஞர்களின் இதயங்களை வென்ற இப்படம், தீபாவளியன்று வெளியானதுடன் தொடர்ந்து நல்ல வசூலை குவித்து வருகிறது. முதல் படம் தோல்வியடைந்தாலும், தொடர்ந்து இரு வெற்றிப் படங்களை அளித்து கவனத்தை ஈர்த்துள்ளார். இதனால் அவருக்கு பல புதிய பட வாய்ப்புகள் வருவதாக எதிர்பார்க்கப்படுகிறது.
