இயக்குநர் ஏ. காளீஸ்வரன் இயக்கத்தில் உருவாகியுள்ள ‘பேபி ஜான்’ திரைப்படம் தமிழில் வெளியான அட்லி இயக்கிய’தெறி’ திரைப்படத்தின் ரீமேக் ஆகும். இதில் வருண் தவான் கதையின் நாயகனாக நடித்துள்ளார். மேலும், கீர்த்தி சுரேஷ், வாமிகா கபி, ஜாக்கி ஷெராப், ராஜ்பால் யாதவ், மணிகண்டன் மற்றும் பி. எஸ். அவினாஷ் உள்ளிட்ட பலர் நடித்துள்ளனர்.
கிரண் கவுஷிக் ஒளிப்பதிவு செய்துள்ள இந்த திரைப்படத்திற்கு எஸ். தமன் இசையமைத்துள்ளார். ஆக்ஷன் எண்டர்டெய்னராக உருவாகியுள்ள இப்படத்தை ஜியோ ஸ்டுடியோஸ், சினி ஒன் ஸ்டுடியோஸ் மற்றும் ஏ ஃபார் ஆப்பிள் நிறுவனங்களின் சார்பில் தயாரிப்பாளர்கள் முராத் கெடானி, ஜோதி தேஷ்பாண்டே மற்றும் பிரியா அட்லீ இணைந்து தயாரித்துள்ளனர்.
இந்த படம் கிறிஸ்துமஸ் பண்டிகையை முன்னிட்டு டிசம்பர் 25 ஆம் தேதி வெளியாக உள்ளது. இதன் டீசர் ஏற்கனவே வெளியாகி பெரும் வரவேற்பைப் பெற்றுள்ளது. தற்பொழுது, ‘நைன் மடாக்கா’ பாடல் வெளியிடப்பட்டுள்ளது. தமனின் இசையில் தீ மற்றும் திலிஜித் தோசாஞ் பாடிய இந்த பாடல் மிகவும் வைரலாகி வருகின்றது. குறிப்பாக, கீர்த்தி சுரேஷின் கிளாமர் நடனம் மக்களை கவர்ந்துள்ளதால், பாடல் காட்சிகள் சமூக வலைதளங்களில் பெரும் வரவேற்பைப் பெற்றுள்ளன.
