சென்னையில் நடைபெற்ற நிகழ்ச்சியில் கலந்து கொண்ட சத்யராஜ், நடிகர் அஜித் குமாரைப் பாராட்டி பேசியுள்ளார். சென்னை அடையாறு முத்தமிழ் பேரவை சிவாஜி நினைவிடம் அருகே, திராவிட இயக்கத் தமிழர் பேரவை நடத்திய “திராவிடமே தமிழுக்கு அரண் என்ற கருத்தரங்கில் அவர் கலந்துகொண்டு பேசினார்.
தொடர்ந்து பேசிய அவர், தம்பி அஜித் குமார் ஒரு வீடியோ வெளியிட்டிருந்தார். அந்த வீடியோவில் அவர் பைக்கில் டூர் போவதைப் பற்றி கூறியிருந்தார். சம்பந்தமில்லாத ஒரு மனிதனைப் பற்றி ஒருவருக்கு கோபம் வருகிறது என்றால், அதற்கு காரணம் மதம்தான். எந்தவொரு நாட்டிற்குப் போகும் போது ஒரு மனிதனைப் பார்க்கிறோம்; அவனுடன் எந்த விதமான சண்டையுமில்லை. ஆனால் மதம் தேவையில்லாமல் வெறுப்பை உருவாக்குகிறது” என்று அஜித் அழகாக தெரிவித்திருந்தார். அவருக்கு எனது பாராட்டுக்களைத் தெரிவித்துக் கொள்கிறேன் என்றார்.
மதமும் சாதியும் நீங்களும் இதுவரை சந்திக்காத மனிதர்களை கூட வெறுக்க வைக்கின்றன” என்ற கூற்று மிகுந்த உண்மை என அஜித் அந்த வீடியோவில் குறிப்பிட்டிருந்தார் என்பதும் குறிப்பிடத்தக்கது.
