ரன்வீர் சிங் – மாதவன் நடித்துள்ள ‘துரந்தர்’… கவனத்தை ஈர்க்கும் டிரெய்லர்!

இந்தி சினிமாவின் முன்னணி நடிகரான ரன்வீர் சிங் அடுத்ததாக துரந்தர் படத்தில் நடித்துள்ளார். இந்த படத்தை யுஆர்ஐ: தி சர்ஜிகல் ஸ்டிரைக் திரைப்படத்தை இயக்கிய ஆதித்யா தர் இயக்குகிறார். இப்படம் அதிரடி, ஆக்ஷன் நிறைந்த கேங்க்ஸ்டர் படமாக உருவாக்கப்பட்டுள்ளது.

இப்படத்தில் ரன்வீர் சிங்குடன் சஞ்சய் தத், அக்ஷயே கண்ணா, அர்ஜுன் ரம்பால், ஆர். மாதவன் மற்றும் தெய்வத் திருமகள் சிறுமியாக நடித்த சாரா ஆகியோர் முக்கிய கதாபாத்திரங்களில் நடித்துள்ளனர். இப்படத்தின் டிரெய்லர் வெளியாகி நல்ல வரவேற்பைப் பெற்று வருகிறது.

படத்திற்கு சச்தேவ் இசையமைத்துள்ளார். மேலும் ஜோதி தேஷ்பாண்டே, ஆதித்யா தர், லோகேஷ் தர் ஆகியோர் இணைந்து இப்படத்தை தயாரித்துள்ளனர். இத்திரைப்படம் வரும் டிசம்பர் 5ஆம் தேதி திரையரங்குகளில் வெளியாக உள்ளது.