இயக்குநர் விக்னேஷ் ராஜா இயக்கத்தில் நடிகர் தனுஷ் தனது 54வது திரைப்படத்தில் நடித்துள்ளார். தற்காலிகமாக ‘டி54’ என பெயரிடப்பட்டுள்ள இந்த படத்தை வேல்ஸ் பிலிம்ஸ் இண்டர்நேஷனல்ஸ் நிறுவனம் தயாரித்து வருகிறது. தனுஷுக்கு ஜோடியாக மமிதா பைஜு நடித்துள்ளார். பரபரப்பான திரில்லர் கதைக்களத்துடன், மிகுந்த உணர்ச்சி நெகிழ்ச்சியையும் கொண்ட இந்த படம் பிரமாண்டமான பொருட்செலவில் உருவாகியுள்ளது.
படத்தின் முக்கிய படப்பிடிப்பு பணிகள் முடிவடைந்து, தற்போது பின்னணி பணிகள் நடைபெற்று வருகின்றன. தயாரிப்பாளர் ஐசரி கணேஷ், இந்த படத்தை அடுத்த ஆண்டு பிப்ரவரி மாதம் திரைக்கு கொண்டு வர திட்டமிட்டுள்ளதாக சமீபத்தில் தெரிவித்துள்ளார்.
இந்நிலையில், இப்படத்தின் இசையமைப்பாளர் ஜி.வி. பிரகாஷ், தனது சமூக ஊடகப் பதிவில் “பிளாக்பஸ்டர் படம் இது! எழுத்தும் ஆடியோவும் அடுத்தடுத்து வருகிறது. மிகவும் நம்பிக்கைக்குரிய இயக்குநர் – சைலண்ட் கில்லர்” என்று குறிப்பிட்டுள்ளார். இதனால் ‘டி54’ படத்தின் தலைப்பு மற்றும் டீசர் அறிவிப்புகள் விரைவில் வெளியாகலாம் என ரசிகர்கள் எதிர்பார்க்கின்றனர்.
