கிராண்ட் பிக்சர்ஸ் நிறுவனத்தின் தயாரிப்பில், புதுமுக நடிகர் ஆதித்ய மாதவன், கவுரி கிஷன், அஞ்சு குரியன் ஆகியோர் முக்கிய கதாபாத்திரங்களில் நடித்துள்ள “அதர்ஸ்” திரைப்படம் மெடிக்கல் கிரைம் திரில்லர் வகையில் உருவாகியுள்ளது. இதை அறிமுக இயக்குனர் அபின் ஹரிஹரன் எழுதி இயக்கியுள்ளார். அரவிந்த் சிங் ஒளிப்பதிவு செய்துள்ள இந்தப் படத்திற்கு ஜிப்ரான் இசையமைத்துள்ளார்.
இப்படத்தில் முக்கிய வேடங்களில் ‘முண்டாசுபட்டி’ ராமதாஸ், ‘நண்டு’ ஜகன், ஹரிஷ் பெரோடி, வினோத் சாகர், இயக்குனர் ஆர். சுந்தர்ராஜன் உள்ளிட்ட பலர் நடித்துள்ளனர். “அதர்ஸ்” திரைப்படம் வரும் நவம்பர் 7ஆம் தேதி திரையரங்குகளில் வெளியாக உள்ளது.
இப்படத்தின் ஃபர்ஸ்ட் லுக் வெளியானதும் மக்கள் மத்தியில் பெரும் வரவேற்பைப் பெற்றது. தற்போது இந்த படத்தின் டீசர் வெளியாகியுள்ளது. பிரபல இயக்குனர் மாரி செல்வராஜ் இந்த டீசரை வெளியிட்டுள்ளார்.
