இயக்குனர் சுசீந்திரன் உடன் கைக்கோர்கிறாரா நடிகர் சூரி? வெளியான புது தகவல்!

நடிகர் சூரி பல படங்களில் சிறிய கதாபாத்திரங்களில் நடித்தாலும் சுசீந்திரன் இயக்கிய ‘வெண்ணிலா கபடிக்குழு’ அவரை மக்களிடம் பிரபலமாக்கியது. அந்த படத்தின் பரோட்டா காமெடி தான் அவரை பிரபலமாக்க, பரோட்டா சூரியாக பிரபலமானார். 

அதன் பின்னர் சுசீந்திரன் இயக்கிய நான் மகான் அல்ல, ஜீவா, பாண்டிய நாடு, பாயும் புலி, நெஞ்சில் துணிவிருந்தால் உள்ளிட்ட படங்களில் சூரிக்கு நல்ல கதாபாத்திரம் தந்தவர் சுசீந்திரன். பின்னர் வெற்றிமாறன் இயக்கத்தில் விடுதலை படத்தில் நடித்து கதையின் நாயகனாக உயர்ந்து தற்போது தமிழ் சினிமாவில் தவிர்க்க முடியாத நடிகராக வலம் வருகிறார் நடிகர் சூரி‌.

இந்நிலையில் தற்போது சுசீந்திரன், சூரியை சந்தித்து அவரை கதாநாயகனாக வைத்து புதிய படம் இயக்குவதற்காக கதை கூறியுள்ளார். இந்த படத்தை சூரி தயாரித்து, கதாநாயகனாக நடிக்கவுள்ளார் என்ற தகவல்கள் வெளியாகியுள்ளன.