மாரி செல்வராஜ் இயக்கத்தில் துருவ் விக்ரம் விக்ரம் நடித்துள்ள திரைப்படங்கள் ‘பைசன்’. இப்படத்தில் அனுபமா பரமேஸ்வரன், லால், பசுபதி, ரஜிஷா விஜயன், கலையரசன் உள்ளிட்ட பலர் முக்கிய கதாபாத்திரங்களில் நடித்திருக்கின்றனர். நிவாஸ் கே. பிரசன்னா இசையமைத்துள்ள இந்த படம் வருகிற தீபாவளிக்கு திரைக்கு வருகிறது.
முன்னதாக தன் படங்களில் ஸ்டைலிஷ் தோற்றத்தில் நடித்த துருவ் விக்ரம், இந்த படத்தில் கபடி வீரராக நடித்துள்ளார். கடந்த ஒன்றாம் தேதி வெளியான தீ கொளுத்தி பர்ஸ்ட் சிங்கிள் ரசிகர்களிடையே நல்ல வரவேற்பைப் பெற்றது.
தற்போது றெக்க றெக்க என்ற பாடலின் லிரிக்கல் வீடியோ வெளியாகியுள்ளது. இயக்குனர் மாரி செல்வராஜ், அறிவு ஆகியோர் எழுதிய இந்த பாடலில் துருவ் விக்ரம் உடற்பயிற்சி செய்வது போன்ற காட்சிகள் இடம்பெற்றுள்ளன. முதல் பாடலை போல இந்தப் பாடலுக்கு ரசிகர்களிடையே நல்ல வரவேற்பு கிடைத்து வருகிறது. மணத்தி கணேசன் என்ற கபடி வீரரின் வாழ்க்கை வரலாற்றை அடிப்படையாகக் கொண்டு இப்படம் உருவாகியுள்ளது என்பது குறிப்பிடத்தக்கது .
