சுப்ரமணியபுரம் திரைப்படத்தின் மூலம் தமிழ் சினிமாவில் இயக்குனராக அறிமுகமானவர் சசிகுமார். பின்னர் ஈசன் படத்தை இயக்கிய அவர், அதன் பிறகு நடிப்பில் கவனம் செலுத்தத் தொடங்கினார். கடந்த ஆண்டு அவரது நடிப்பில் வெளிவந்த கருடன் மற்றும் நந்தன் ஆகிய படங்கள் ரசிகர்களிடம் நல்ல வரவேற்பைப் பெற்றன. அதன் பின்னர் வெளிவந்த டூரிஸ்ட் பேமிலி திரைப்படம் மாபெரும் வெற்றியைப் பெற்றது.
இதற்கிடையில், ஜோக்கர், குக்கூ, ஜப்பான் படங்களை இயக்கிய ராஜுமுருகன் இயக்கத்தில் சசிகுமார் நடித்து வருகிறார். இந்தப் படத்தில் சைத்ரா ஆச்சர் முக்கிய கதாபாத்திரத்தில் நடித்துள்ளார். ஒலிம்பியா மூவிஸ் நிறுவனம் தயாரித்து வரும் இப்படத்தின் படப்பிடிப்பு தற்போது விறுவிறுப்பாக நடைபெற்று வருகிறது. சமீபத்தில் இப்படத்தின் பர்ஸ்ட் லுக் போஸ்டர் வெளியிடப்பட்டது.
மேலும், மை லார்ட் படத்தின் டப்பிங் பணியின் போது எடுக்கப்பட்ட புகைப்படங்களை தயாரிப்பு நிறுவனம் தனது எக்ஸ் தளத்தில் பகிர்ந்துள்ளது. விரைவில் டீசர், டிரெய்லர் மற்றும் ரிலீஸ் தொடர்பான அறிவிப்புகள் வெளியாகும் என எதிர்பார்க்கப்படுகிறது. இதனிடையே, படக்குழு புதிய புகைப்படங்களையும் வெளியிட்டுள்ளது. இப்படத்திற்கு ஷான் ரோல்டன் இசையமைக்கிறார்.
