நடிகர் ரஜினிகாந்த் மற்றும் இயக்குநர் லோகேஷ் கனகராஜ் கூட்டணியில் உருவாகியிருக்கும் திரைப்படம் ‘கூலி’. இப்படத்திற்கு இசையமைப்பாளராக அனிருத் பணியாற்றியுள்ளார். இதில் அமீர் கான், சத்யராஜ், நாகர்ஜுனா, சௌபின் ஷாஹிர், ஸ்ருதிஹாசன், பகத் பாசில், ரெபா மோனிகா ஜான் மற்றும் உபேந்திரா ஆகியோர் முக்கிய கதாபாத்திரங்களில் நடித்துள்ளனர்.
இந்தப் படத்தின் மீது ரசிகர்களிடையே மிகுந்த எதிர்பார்ப்பு நிலவுகின்றது. ‘கூலி’ திரைப்படம் ஆகஸ்ட் 14ஆம் தேதி திரையரங்குகளில் வெளியாகவிருக்கிறது. இப்படத்தில் இடம்பெற்றுள்ள ‘மோனிகா’ எனும் பாடல் சமீபத்தில் வெளியாகி பெரும் வரவேற்பைப் பெற்றது. இந்த பாடலில் நடிகை பூஜா ஹெக்டே, சௌபின் ஷாஹிருடன் இணைந்து நடனமாடியிருந்தார்.
அந்த பாடலில் பூஜா ஹெக்டே அணிந்திருந்த உடை ரசிகர்களிடையே மிகுந்த கவனத்தை ஈர்த்தது. இந்நிலையில், அவர் அணிந்திருந்த அந்த ஆடையின் விலை குறித்த தகவல்கள் வெளியாகியுள்ளன. அந்த உடை ‘Versace Medusa ’95 Draped Gown’ என்ற வகையை சேர்ந்ததாகும். அதன் விலை சுமார் ரூ. 5,00,000 (ஐந்து லட்சம் ரூபாய்) எனத் கூறப்படுகிறது.
