நடிகர் ரஜினிகாந்த் மற்றும் இயக்குனர் லோகேஷ் கனகராஜ் கூட்டணியில் உருவாகியுள்ள திரைப்படம் ‘கூலி’. இப்படத்திற்கு அனிருத் இசையமைத்துள்ளார்.
இந்த படத்தில் அமீர் கான், சத்யராஜ், நாகர்ஜுனா, சவுபின் ஷாஹிர், ஸ்ருதிஹாசன், பகத் பாசில், ரெபா மோனிகா ஜான் மற்றும் உபேந்திரா ஆகியோர் முக்கிய கதாபாத்திரங்களில் நடித்துள்ளனர்.
இத்திரைப்படத்தின் மீது ரசிகர்கள் மத்தியில் மிகுந்த எதிர்பார்ப்பு நிலவி வருகிறது. கூலி திரைப்படம் இந்தாண்டு ஆகஸ்ட் 14ஆம் தேதி திரைக்கு வரவுள்ளது. இப்படத்தில் இடம்பெற்ற ‘சிக்கிட்டு’ மற்றும் ‘மோனிகா’ எனும் இரு பாடல்கள் வெளியாகி பெரிய வரவேற்பை பெற்றது.இப்போது, மூன்றாவது பாடலின் வெளியீட்டு அறிவிப்பை தயாரிப்பு நிறுவனம் வெளியிட்டுள்ளது. அதன்படி, ‘பவர் ஹவுஸ்’ எனும் மூன்றாவது பாடல் வரும் ஜூலை 22ஆம் தேதி இரவு 9.30 மணிக்கு வெளியாகும் என அறிவித்துள்ளனர்.
