இயக்குநர் மணிவர்மன் இயக்கியுள்ள ‘ஜென்ம நட்சத்திரம்’ திரைப்படம், அமோகம் ஸ்டுடியோஸ் மற்றும் வைட்லேம்ப் பிக்சர்ஸ் ஆகிய நிறுவனங்களின் கூட்டுத் தயாரிப்பாக உருவாகியுள்ளது. இப்படம் வருகிற 18-ம் தேதி திரையரங்குகளில் வெளியிடப்படுகிறது. இதில் தமன், சிவம், அருண்கார்த்தி, தலைவாசல் விஜய், மைத்ரேயன், ரக்ஷா, மால்வி மல்ஹோத்ரா உள்ளிட்ட பலர் நடித்துள்ளனர். இசையமைப்பாளராக சஞ்சய் மாணிக்கம் பணியாற்றியுள்ளார்.
இந்தப் படத்தின் இசை வெளியீட்டு விழா சமீபத்தில் சென்னை நகரில் நடைபெற்றது. இந்த விழாவில் பேசிய நடிகை மால்வி மல்ஹோத்ரா, “இந்தப் படத்தின் முக்கிய பலமாக தொழில்நுட்பக் குழு செயல்பட்டுள்ளது. அவர்கள் இந்தப் படத்தை ஒரு உயர்ந்த தரத்திற்கு கொண்டு சென்றுள்ளனர். நடிகர் தமன் ஒரு திறமையான கலைஞர். அவருக்கு எதிர்காலத்தில் பல நல்ல வாய்ப்புகள் காத்திருக்கின்றன.
தமிழ் சினிமாவில் சிறந்த கதைகளுக்கு எப்போதும் ஆதரவு உண்டு. ‘ஜென்ம நட்சத்திரம்’ எங்களுக்கே ஒரு சிறப்பான அனுபவமாக அமைந்த படம். இந்த படத்தில் நீங்கள் எதிர்பார்க்காத பல விஷயங்கள் இடம்பெறும். ரசிகர்கள் கிளைமாக்ஸ் வரைக்கும் கதை எப்படி நகரும் என்பதை யூகித்துக்கொண்டே இருப்பார்கள். ஹாரர் சூழ்நிலையில் நிகழும் அதிர்ச்சி தரும் சம்பவங்களை மையமாகக் கொண்டு இந்தக் கதை உருவாகியுள்ளது” எனக் கூறினார்.
