இயக்குனர் லோகேஷ் கனகராஜ் இயக்கத்தில் சூப்பர் ஸ்டார் ரஜினிகாந்த் நடிப்பில் உருவாகியுள்ள திரைப்படம் ‘கூலி’. இப்படம் வரும் ஆகஸ்ட் 14ஆம் தேதி திரையரங்குகளில் வெளிவர உள்ளது.
இந்நிலையில் சர்வதேச திரைப்பட விநியோகத்தில் முக்கிய பங்காற்றும் ஹம்சினி என்டர்டெயின்மென்ட் நிறுவனம், ‘கூலி’ படத்தை இதுவரை இல்லாத அளவுக்கு மிகப்பெரிய அளவில் வெளியிட திட்டமிட்டுள்ளதாக தகவல் வெளியாகியுள்ளது. அதாவது இந்த படம் 100க்கும் மேற்பட்ட நாடுகளில் வெளியிட வாய்ப்புள்ளதாக கூறப்படுகிறது.
இதற்கு முன்பு இதே நிறுவனம் விஜய் நடித்த ‘தி கிரேட்டஸ்ட் ஆப் ஆல் டைம்’ (GOAT) திரைப்படத்தை 40க்கும் மேற்பட்ட நாடுகளில் வெளியிட்டது. அதேபோல், ஜூனியர் என்டிஆர் நடித்த ‘தேவரா’ திரைப்படத்தை 90க்கும் மேற்பட்ட நாடுகளில் வெளியிட்டது. சன் பிக்சர்ஸ் தயாரிப்பில் உருவாகியுள்ள ‘கூலி’ திரைப்படம் இந்திய அளவில் மிகவும் எதிர்பார்க்கப்படும் படமாக இருக்கிறது. இதில் ரஜினிகாந்த், நாகார்ஜுனா, சத்யராஜ், அமீர் கான், உபேந்திரா, சபின் ஷாஹிர் மற்றும் ஸ்ருதி ஹாசன் உள்ளிட்ட பிரபலங்கள் முக்கிய கதாபாத்திரங்களில் நடித்துள்ளனர்.
