பாக்யஸ்ரீ போர்ஸ், 2023-ம் ஆண்டு வெளியான ‘யாரியன் 2’ திரைப்படத்தின் மூலம் சினிமாவுக்கு அறிமுகமானார். அதன் பின்னர், ‘சந்து சாம்பியன்’ மற்றும் ரவி தேஜா நடித்த ‘மிஸ்டர் பச்சான்’ ஆகிய படங்களில் நடித்துள்ளார்.
தற்போது, அவர் விஜய் தேவரகொண்டாவுடன் இணைந்து நடித்துள்ள ‘கிங்டம்’ திரைப்படம் ஜூலை மாதத்தில் வெளியாக இருக்கிறது. இந்நிலையில், அவர் நடித்துள்ள மற்றொரு திரைப்படத்தின் தலைப்பு குறித்த காட்சிக் கிளிப் தற்போது வெளியிடப்பட்டுள்ளது.
புதிய திரைப்படத்திற்கு ‘ஆந்திரா கிங் தாலுகா’ என பெயரிடப்பட்டுள்ளது. ‘மிஸ் ஷெட்டி & மிஸ்டர் பாலிஷெட்டி’ திரைப்படத்தை இயக்கிய மகேஷ் பாபு இந்த புதிய திரைப்படத்தையும் இயக்குகிறார். இப்படத்தில் கதாநாயகனாக ராம் பொத்தினேனி நடிக்கிறார். விவேக்-மெர்வின் இசையமைப்பில் உருவாகும் இந்த திரைப்படம் மீது ரசிகர்கள் மத்தியில் எதிர்பார்ப்பு அதிகரித்துள்ளது.
