நடிகர் சூர்யா நடிக்கும் 44வது திரைப்படமாகும் ‘ரெட்ரோ’. இந்தப் படத்தை இயக்குநர் கார்த்திக் சுப்பராஜ் இயக்கியுள்ளார். இதில் கதாநாயகியாக பூஜா ஹெக்டே நடித்துள்ளார். இப்படம் சூர்யாவின் 2டி என்டர்டெயின்மென்ட் மற்றும் கார்த்திக் சுப்பராஜின் ஸ்டோன் பெஞ்ச் நிறுவனம் இணைந்து தயாரித்துள்ளது. இந்த படத்திற்கு இசை அமைத்துள்ளார் சந்தோஷ் நாராயணன். ‘ரெட்ரோ’ திரைப்படம் வருகிற மே 1ஆம் தேதி திரையரங்குகளில் வெளியாகவுள்ளது.
இப்படத்தின் ‘கண்ணாடி பூவே’ மற்றும் ‘கனிமா’ பாடல்கள் ஏற்கனவே வெளியாகி ரசிகர்கள் மத்தியில் வைரலான நிலையில், தற்போது படத்தின் அடுத்த பாடலான ‘தி ஒன்’ பாடலும் வெளியிடப்பட்டுள்ளது. மேலும், ‘ரெட்ரோ’ படத்திற்கான டப்பிங் பணிகளை சூர்யா முழுமையாக முடித்துவிட்டார். இந்த படத்தின் இசை வெளியீட்டு விழா வரும் ஏப்ரல் 18ஆம் தேதி சென்னையில் நடைபெறவுள்ளதாக தகவல் வெளியாகியுள்ளது.
இந்நிலையில், ‘ரெட்ரோ’ திரைப்படத்தின் இசை மற்றும் டிரெய்லர் வெளியீட்டு விழா ஏப்ரல் 18ம் தேதி நடைபெறும் என படக்குழு அதிகாரப்பூர்வமாக அறிவித்துள்ளது. அதோடு, தமிழ் புத்தாண்டை முன்னிட்டு ஒரு சிறப்பு வாழ்த்து போஸ்டரையும் படக்குழு வெளியிட்டுள்ளது.
