தமிழ் சினிமாவில் முன்னணி நடிகராக வலம் வருபவர் சிம்பு. தற்போது இவர் இயக்குநர் மணிரத்னம் இயக்கத்தில் உருவாகியுள்ள “தக் லைப்” திரைப்படத்தில் முக்கிய கதாபாத்திரத்தில் நடித்துள்ளார். இந்த திரைப்படம் வரும் ஜூன் 5ஆம் தேதி வெளியாக உள்ளது.
இதற்குப் பிறகு, ‘பார்க்கிங்’ திரைப்படத்தை இயக்கிய ராம்குமார் பாலகிருஷ்ணன் இயக்கும் ‘எஸ்டிஆர் – 49’, ‘ராம்லீலா’ புகழ் தேசிங்கு பெரியசாமி இயக்கும் ‘எஸ்டிஆர் – 50’, மற்றும் ‘ஓ மை கடவுளே’ திரைப்படத்தை இயக்கிய அஸ்வத் மாரிமுத்து இயக்கும் ‘எஸ்டிஆர் – 51’ ஆகிய மூன்று படங்களிலும் சிம்பு நடிக்க ஒப்பந்தமாகியுள்ளார்.
தற்போது, ராம்குமார் பாலகிருஷ்ணன் இயக்கும் ‘எஸ்டிஆர் – 49’ படத்தில் நடிக்க இருக்கும் சிம்புவின் இந்த படத்திற்கு சாய் அபயங்கர் இசையமைக்க உள்ளார். தமிழ் புத்தாண்டை முன்னிட்டு, சிம்பு இந்த திரைப்படத்திற்கான புதிய தகவலை வெளியிட்டுள்ளார். அதில், ரசிகர்களுக்கு புத்தாண்டு வாழ்த்துகளை தெரிவித்ததுடன், ‘எஸ்டிஆர் – 49’ திரைப்படத்திற்கான இசை உருவாக்க பணிகள் இன்று முதல் தொடங்கும் எனவும் தெரிவித்துள்ளார்
