ரசிகர்களால் கொண்டாடப்படும் திரைப்படங்களை இயக்குபவராக புகழ்பெற்றவர் செல்வராகவன். 2004-ம் ஆண்டு, ரவி கிருஷ்ணா மற்றும் சோனியா அகர்வால் நடித்த ‘7ஜி ரெயின்போ காலனி’ திரைப்படம் இவரின் இயக்கத்தில் வெளியானது. இப்படம் மிகப்பெரிய வெற்றியைப் பெற்றதோடு, அதில் இடம்பெற்ற ‘கண்பேசும் வார்த்தைகள்’, ‘கனா காணும் காலங்கள்’ போன்ற பாடல்கள் ரசிகர்களிடையே பெரும் வரவேற்பைப் பெற்றன. இப்போது, 19 ஆண்டுகளுக்குப் பிறகு ‘7ஜி ரெயின்போ காலனி’ திரைப்படத்தின் இரண்டாம் பாகத்திற்கான பணிகள் தீவிரமாக நடைபெற்று வருகின்றன. முதல் பாகத்தை இயக்கிய செல்வராகவனே ‘7ஜி ரெயின்போ காலனி 2’-யும் இயக்குகிறார். முதல் பாகத்தில் கதாநாயகனாக நடித்த ரவி கிருஷ்ணா, இரண்டாம் பாகத்திலும் முக்கிய கதாபாத்திரத்தில் நடிக்கிறார்.
புத்தாண்டை முன்னிட்டு இப்படத்தின் பர்ஸ்ட் லுக் போஸ்டர் வெளியானது. ரசிகர்கள் மிகுந்த ஆர்வத்துடன் இதை எதிர்நோக்கி உள்ளனர். இப்படத்தில் கதாநாயகியாக அனஸ்வரா ராஜன் நடிக்கிறார். ஸ்ரீ சூர்யா மூவிஸ் நிறுவனம் இப்படத்தைத் தயாரிக்கின்றது. இசையமைப்பாளராக யுவன் சங்கர் ராஜா பணியாற்ற, ஒளிப்பதிவு பொறுப்பை ராம்ஜி மேற்கொள்கிறார்.
இந்தப் படத்தின் படப்பிடிப்பு ஏற்கனவே எந்த அதிருப்தியும் இல்லாமல் தொடங்கி, மிகவும் வேகமாக நடைபெற்று வருகிறது. தற்போது வெளியான தகவல்கள் படி, இன்னும் இரண்டு வாரங்களுக்கு மட்டும் படப்பிடிப்பு மீதம் உள்ளது என்றும் விரைவில், படத்தின் முழு வேலைகளும் முடிவடைந்து விடும் என கூறப்படுகிறது.
