2009 ஆம் ஆண்டு, இயக்குநர் அறிவழகன் இயக்கிய ‘ஈரம்’ திரைப்படத்தில், நடிகர் ஆதி மிகச்சிறப்பான நடிப்பை வெளிப்படுத்தி, ரசிகர்களின் மனதை வென்றார். ‘ஈரம்’ திரைப்படம் இயக்குநர் அறிவழகனுக்கு சிறந்த வரவேற்பைப் பெற்றுத் தந்தது. அதன் பின்னர், அவர் நகுல் நடித்த ‘வல்லினம்’, அருண் விஜய் நடித்த ‘பார்டர்’ மற்றும் ‘குற்றம் 23’ போன்ற திரைப்படங்களை இயக்கினார்.
‘ஈரம்’ படத்திற்குப் பிறகு, ஆதி மற்றும் அறிவழகன் மீண்டும் இணைந்துள்ளனர். அறிவழகன் இயக்கிய ‘சப்தம்’ திரைப்படத்தில், நடிகர் ஆதி முக்கிய கதாபாத்திரத்தில் நடித்துள்ளார். இந்த திரைப்படம் ஹாரர் கதைக்களத்தில் உருவாகியுள்ளது. இதில் லக்ஷ்மி மேனன், சிம்ரன், லைலா மற்றும் ரெடின் கிங்ஸ்லி உள்ளிட்ட நடிகர்கள் முக்கிய பாத்திரங்களில் நடித்துள்ளனர். இப்படத்திற்குத் தமன் இசையமைத்துள்ளார்.
இந்த படத்தின் டீசர் வெளியான போது, அது மக்களிடையே நல்ல வரவேற்பைப் பெற்றது. தற்போது, இப்படத்தின் ட்ரெய்லர் வெளியாகியுள்ளது. ‘சப்தம்’ திரைப்படம் இந்த மாதம், பிப்ரவரி 28 ஆம் தேதி திரையரங்குகளில் வெளியாக உள்ளது.
